Jú, þetta var lélegt laxveiðisumar. Rangárnar eru enn opnar og eru í toppsætunum, en eru langt frá sínu besta samt sem áður. Mikil og neikvæð umræða hefur verið og kannski ekki að ástæðulausu, því minna hefur verið af laxi víða, og vatn í lágmarki stóran hluta sumars að auki. En ljós í myrkrinu, þrettán laxveiðiár voru með betri tölu en í fyrra!
Það hefur auðvitað marg komið fram að Norðausturhornið hefur skorið sig úr, en fyrir utan árnar þar, eru stöku á á Norðurlandi. Við ræðum ekki ástandið á vestan- og sunnanverðu landinu, en það er verulega jákvætt að sjá að alls þrettán laxveiðiár voru betri en í fyrra.
Hér koma þær í lista, efst með hæstu töluna og í sviganum er talan frá því í fyrra.
Selá 1484 (1340)
Hofsá 711 (697)
Laxá á Ásum 807 (702)
Svalbarðsá 476 (337)
Hafralónsá 377 (194)
Hrútafjarðará 375 (360)
Skjálfandafljót 330 (250)
Deildará 238 (162)
Mýrarkvísl 167 (83)
Fnjóská 167 (126)
Síðan eru það Ormarsá á Sléttu og Sandá og Hölkná í Þistilfirði. Við erum ekki með lokatölur úr þeim, en höfum það fyrir satt að þær slógu út tölur síðasta sumars. Alls þrettán þar. Og allar á norðanverðu landinu, flestar á norðausturlandinu. Á endmörkum hins byggilega heims laxins. Mjög sérstakt. Næsta sumar verður spennandi.
