Minnivallalækur
50 sentimetra urriði. Mynd -gg.

Veiðileyfasöluvefirnir raða á sig skrautfjörðunum þessa daga og vikur. Við vorum með nýjungar hjá veidi.is nýverið og nú bætir veiditorg.is við sig með frábæru urriðaveiðisvæði.

Frá Eystri Rangá – Mynd frá Ríkarði Hjálmarssyni

Erlendur Steinar, Elli Steinar, staðfesti við okkur að veiditorg.is væri komið með Arnarvatnsá í umboðssölu. Eftir sem áður væri heimafólk á Arnarvatni með ána á leigu, en salan væri komin á veiditorg.is. Arnarvatnsá er frekar vatnslítil kvísl úr Laxá í Mývatnssveit, leynir þó á sér og fær reynar vatn víðar að. Hún er gersamlega smekkfull af urriða sem er af öllum stærðum, frá tittum upp í tröll. Viðkvæm er hún og þarfnast lagni.

Og af því að við vorum að tala um veiðileyfasöluvefina, þá má bæta við að veida.is bætti nýverið við sig umboðssölu á júnídögum í Eystri Rangá. Þetta hafa þótt spennandi dagar síðustu ár, sérstaklega þegar göngur 2 ára laxa eru sterkar. Þetta er allt lax sem settur er lifandi í klakkistur. Fyrrum voru vinir og leiðsögumenn umsjónarmanns að sjá um þetta, en svo þótti tilvalið að hafa einhverjar tekjur af því og nú er þetta selt og er bálvinsælt.