Bras í byrjun í Jöklu

Bjartsýnasti veiðimaður landsins á vordögum var Þröstur Elliðason leigutaki Jöklu og hliðaráa hennar. Sá fram á seint eða ekkert yfirfall að þessu sinni. En oft er of mikilli bjartsýni refsað og það virðist vera að raungerast þar eystra þessa daganna. í Staðinn fyrir ekkert yfirfall eru stórfelld flóð nú í byrjun vertíðar.

Þröstur skrifar á FB síðu sina, kenndri við Strengi: „Það gengur erfiðlega að veiða í Jöklu því ekki minnkar vatnsmagnið og stefnir í erfiða fyrstu viku allavega. Einungis er hægt að veiða neðsta svæðið fyrir neðan Steinbogann þar sem laxastiginn þar er ekki fær í þessu vatni. Því er 3/4 hluti veiðisvæðisins óvirkur og munar um minna. Um 80 rúmmetrar mælist nú rennslið ofar í Jökuldalnum og niðurfrá má reikna með að séu því um 100 rúmmetrar! Spáin er ekki góð, hiti og líka úrkoma og snjóbráð verður því áfram mikil næstu daga, má reikna með enda gríðarlegur snjór ennþá í fjöllum hér fyrir austan eftir kalt vor. Myndin hér var tekin fyrir neðan Klapparhyl í dag og er hylurinn eins og stöðuvatn að sjá.“