Flugukastsnillingurinn Henrik Mortensen er að koma til landsins eina ferðina enn í samstarfi við IO Veiðileyfi (Harpa og Stefán). Að venju kennir hann fluguköst og kynnir í leiðinni stangarlínu sína Salmologic.
Samkvæmt upplýsingum frá Hörpu og Stefáni þá er vel sótt í námskeiðin sem fyrr, en þau fara fram 10 til 12.mai, eitt á dag en þau standa yfir í fjórar klukkustundir hvert. Enn eru laus pláss en þeim fækkar hratt. Með Henrik að þessu sinni verður samstarfsmaður hans Thomas Thaarup sem einnig kann eitt og annað fyrir sér í vísindunum. Þau Harpa og Stefán leggja áherslu á að geta þess að það er breytt staðsetning frá fyrri heimsóknum Henriks, áður hefur hann sýnt snilli sína á Miklatúni, en að þessu sinni fer kennslan fram hjá skrifstofum SVFR við rafstöðvarhúsin í Elliðaárdal.
