Kaldárhöfði
Kaldárhöfði er einn einn stórurriðastaðurinn í Þingvallavatni. Mynd, Fishpartner.

Veiðileyfasalarnir hjá Fish Partner hafa verið að sanka að sér svæðum á urriðaslóðum í Þingvallavatni og þeir voru að landa „stóru“ svæði í vikubyrjun….

Við fengum senda fréttatilkynningu frá þeim og vitnum í hana: „Kaldárhöfði við Þingvallavatn og Úlfljótsvatn er nýjasta svæðið í flóru Fish Partner. Um er að ræða fjölbreytt svæði sem er fornfrægt stórurriðasvæði og mjög sterkt bleikjusvæði.

Kaldárhöfði er syðsta veiðisvæðið í Þingvallavatni og nyrsta svæðið í Úlfljótsvatni. Svæðið nær frá Sprænutanga í Þingvallavatni í norðri og að landamörkum við Efri-Brú við Úlfljótsvatn í suðri.  Svæðið á sér langa veiðisögu og var sennilega besta urriðasvæði í Þingvallavatni fyrir tíma virkjana í Sogi. Með vaxandi veiði á urriða í vatninu verður spennandi að fylgjast með veiðinni á Kaldárhöfða á næstunni.

Hluti svæðisins er í Úlfljótsvatni og er það svæði bæði þekkt fyrir stóra urriða og nóg af bleikju. Urriðaveiðin er einkum góð nyrst í vatninu og út af hólmanum en bleikjuveiðin er góð á öllu svæðinu. Veitt er á sex stangir frá 1. maí – 10. júní en tíu stangir frá 11. júní – 31. ágúst.

Nánari upplýsingar á www.fishpartner.is