Bumphead Parrotfish, Seychelles
Bumphead Parrotfish veiddur við Seychelles eyjar. Mynd Ólafur Vigfússon

Þriðjudaginn 30.janúar verður ansi athyglisverð uppákoma í Veiðihorninu í Síðumúla, en þá verður Frontiers, ásamt Veiðihorninu, með kynningu á fluguveiði á fjarlægum slóðum. Einn af forkólfum Frontiers, Tarquin Millington_Drake, verður gestur Veiðihornsins.

„Veiðitímabilinu þarf ekki að ljúka að hausti. Þetta snýst ekki bara um Ísland. Við María Anna höfum verið að kynna okkur þessar fjarlægu slóðir síðustu árin og þetta eru fágæt ævintýri. Bonefish, Permit, Trevally, Milkfish, Parrotfish, Sailfish.
Allt er mögulegt. Það er um að gera að stytta veturinn og skella sér í fluguveiði á fjarlægum slóðum næsta vetur. Stuttbuxur, sjór og sól. Flugustöng og sterkir fiskar. Í fyrsta skipti á Íslandi verður kynning á fluguveiði í suðrænum sjó. Tarquin Millington-Drake frá Frontiers verður gestur Veiðihornsins þriðjudaginn 30. janúar næstkomandi og ætlar að kynna fyrir okkur fluguveiði á fjarlægum slóðum. Þetta er kjörið tækifæri til að kynnast framandi ævintýrum og allir eru velkomnir á meðan húsrúm leyfir. Léttar veitingar verða í boði,“ sagði Ólafur Vigfússon í Veiðihorninu við VoV og í fréttatilkynningu sem hann sendi  frá sér. Þar kemur einnig fram að kynningin hefst klukkan 7.30 um kvöldið og stendur til klukkan 10.