Menn geta verið sáttir við gang mála í Húseyjarkvísl í dag, þar komu 15 fiskar á land, en skilyrði voru afar erfið og fiskur tók illa. Nóg af honum samt.
„Þetta fór rólega af stað, það var glært og bjart og lítið vatn. Fiskur að taka illa, en þetta togaðist og á endanum vorum við með 15 fiska á land,“ sagði Valgarður Ragnarsson, leigutaki Húseyjarkvíslar í skeyti til VoV í kvöld. Má segja að það sé mjög ásættanlegt í ljósi þess að þær aðstæður sem Valgarður lýsti eru þær verstu sem hægt er að bjóða upp á í sjóbirtingsveiði.
