Þó að Eystri Rangá leiði hjörðina með glæsibrag, þá sýnist okkur við skoðun að Selá hafi verið með afgerandi bestu veiðina síðustu vikuna hvað varðar meðalveiði á stöng.Tæplega fimm á stöng á dag, virkilega glæsilegt sérstaklega þegar skoðað er hversu krefjandi laxveiðiá Selá er.
Gísli Ásgeirssin umsjónarmaður árinnar staðfesti þetta í samtali við VoV. „Það er rétt, hollið sem fór í gær var með 170 laxa á sex stangir á sex dögum. Sem gerir rétt tæplega 5 laxa á stöng á dag. Ekki amalegt það ,“ sagði Gísli. Við skoðun á lista LV á angling.is komum við ekki auga á neina á sem hefur haft meiri meðalveiði á stöng síðustu vikuna. Ef okkur er að yfirsjást eitthvað má gjarnan senda okkur ábendingu.
