Stóru drekarnir, 100plús, hafa verið að stympla sig inn síðustu vaktirnar, tveir í Borgarfirðinum eins og við greindum frá fyrr í kvöld. Laxá í Aðaldal lúrði og á einum í viðbót.
Það var Hilmar Hansson, sá mikli laxaskelfir, sem fékk þetta 101cm tröll í Miðfosspolli, sem sjá má á myndinni. „Hann sýndi honum þrjár smáflugur og kom stórlaxinn upp í tvær þeirra án þess að taka. Þá setti hann sex sentímetra Sunray og það virkaði svona líka vel,“ eins og segir í status á FB síðu Laxár í Aðaldal.
