Vikutölur voru að tínast inn hjá angling.is fram á nótt og ekki öll kurl komin til grafar er VoV þótti gott komið og fór í háttinn. Af því sem komið var og upp úr stóð var tvímælalaust vikutalan úr Urriðafossi í Þjórsá, þar sem segja má að hafi verið sannkölluð mokveiði.
Sem sagt, 169 laxar veiddust í Urriðafossi yfir vikuna á aðeins fjórar stangir. Heildartalan var þar með komin í 399 laxa og svæðið lang efst á lista angling.is.
Slatti var kominn af öðrum tölum, við ætlum að bíða eftir fleirum. Látum duga hér í viðbót að geta nokkurra á sem nýlega hafa opnað og birtar voru tölur úr í fyrsta skipti á þessu sumri. Það eru:
Ytri Rangá/V-Hólsá 31
Laxá í Aðaldal 22
Flókadalsá í Bo 17
Laxá á Ásum 17
Vatnsdalsá 15
Hvítá-Langholt 10
Skjálfandafljót N 9
Hrútafjarðará 7
