Erlendur veiðimaður með 90 cm hrygnu úr hylnum Narra í Selá í vikubyrjun. Mynd frá Streng

Hér er rýnt í nýjar tölur frá angling.is og margir eflaust spenntir þar sem að víða rigndi bærilega í 1-2 sólarhringa áður en vikan leið. Vissulega glæddist veiðin víða og þau tíðindi urðu einnig að Eystri Rangá rauk ansi hressilega framúr Urriðafossi og tók fyrsta sætið. Ytri Rangá, Vopnafjarðarárnar og Elliðaárnar eru hvað eftirtektarverðastar. Þverá/Kjarrá átti sína lang bestu viku og all nokkrar ár voru einnig með sínar bestu vikur þó að þetta séu ekki tölur samboðnar miðjum júlí, nema kannski í fyrst nefndu ánum.

Hér förum við í rýnina, að vanda er fremsta talan nýjasta heildartalan, strax á eftir er nýjasta vikutalan og í svigunum fyrri vikutölur, nýrri fremst og síðan koll af koli fram að opnun.

Eystri Rangá     686 – 281 (170 -142 – 63)

Urriðafoss         560 – 58 (75 – 108 – 63 – 72)

Miðfjarðará        307 – 105 (84 -55 – 39 – 24)

Ytri Rangá          291 – 127 (71 – 36 )

Blanda               265 – 90 (40 – 25 – 25 – 31)

Þverá/Kjarrá       251- 111 (62 – 17)

Elliðaárnar          237 – 84 (72  – 81 – 45)

Selá í Vopn         204 – 142 (46 -16)

Haffjarðará         185 – 52  (42  – 51)

Laxá í Aðaldal      156 – 42 ( 44 – 26 )

Grímsá                149 – 55 (28 – 35 – 21)

Hofsá í Vopn        126 – 72 (37 – 13 – 4

Brennan              126 – 4 (15 – 14 -39 – 19 – 35)

Laxá á Ásum       108 – 54 (36 – 12

Norðurá              107 – 24 (28 – 26 -18 – 4)

Víðidalsá            102 – 45 (21 – 16 )

Langá                101 – 50 (16 – 21 – 12)

Flókadalsá           78 – 20 (25 – 33 – 16)

Jökla                   76 – 28 (33 – 14)

Vatnsdalsá           64 – 22 (21 – 8 )

Laxá í Kjós           63 – 21 (17 – 19 – 3)

Neðar í listann ætlum við ekki að sinni, en þó má geta þess að ár eins og t.d. Leirvogsá (29), Úlfarsá (23) og Búðardalsá (17) voru með sínar al bestu vikur sumarsins. Nutu vætunnar. Lesendur geta séð miklu meira á www.angling.is