Við höfum ekkert verið að flýta okkur með vikutölurnar, enda er þetta á niðurleið, laxinn orðinn leginn og línur nokkuð skýrar. Reyndar heyrum við að nýgengnir laxar séu enn að veiðast í Rangárþingi og að venju eru aflahæstu árnar þar, Eystri Rangá að þessu sinni efst, sú Ytri á eftir.
Þær eru báðar veiddar nánast út september og síðasta vika var betri í Ytri en Eystri, og lítið ber á milli þannig séð. En skoðum vikutölurnar, þar geta lesendur séð hvernig þetta er svona í lokin….
Eystri Rangá 3486 – vikan 142
Ytri Rangá 3177 – vikan 403
Þverá/Kjarrá 2444 – vikan 75
Miðfjarðará 2360 – vikan 159
Norðurá 1610 – vikan 112
Haffjarðará 1502 – vikan 67
Langá 1395 – vikan 56
Urriðafoss 1243 – vikan 32
Selá 1283 – vikan 61
Elliðaárnar 932 – vikan 39
Blanda 861 – vikan 4
Laxá í Kjós 854 – vikan 64
Laxá á Ásum 644 – vikan 20
Laxá í Leir. 635 – vikan 21
Hofsá 629 – vikan 27
Affall 693 – vikan 103
Hítará 551 – vikan 27
Víðidalsá 510 – vikan 32
Flókadalsá 440 – vikan 35
Vatnsdalsá 414 – vikan 30
Þverá-Fljótshl. 409 – vikan 42
Jökla 408 – vikan 6
Stóra Laxá 360 – vikan 11
Þetta er sem sagt orðinn slagur á milli Rangánna tveggja um efsta sætið. Eystri hefur haldið sætinu lengst af en það gæti breyst miðað við vikutölurnar sem voru mun betri í Ytri en Eystri. Horft fram hjá svoleiðis þá er Eystri miklu betri en í fyrra og Ytri miklu lakari en í fyrra…..
Þverá/Kjarrá og Miðfjarðará eru síðan lang bestu sjálfbæru árnar, kemur kannski dálítið á óvart með Miðfjarðará þar sem hún er nánast miðpunktur í smálaxalausa svæðinu. En svona er þetta.
