Gotraufarsýking í laxi úr Reykjadalsá í Borgarfirði - Mynd Guðmundur Guðjónsson

Orri Vigfússon kom fram í fréttum Stöðvar 2 fyrir skemmstu og flutti þar skelegga tölu sem löngu var tímabær í sjónvarpi um þá náttúruvá sem sjókvíaeldið er að leiða yfir land og þjóð, eftir að endalausar upphafnar fréttir um bjargvætt atvinnuupbyggar í hinum dreifðu byggðum, sérstaklega á Stöð 2

Norskur eldislax sem veiddist í Breiðdalsá fyrir nokkrum árum, 15 punda bolti!
Norskur eldislax sem veiddist í Breiðdalsá fyrir nokkrum árum, 15 punda bolti!

Fyrir skemmstu var Kristján Már á Stöð 2 með langa upphafna frétt um sjókvíaeldið á Austfjörðum þar sem eldisstjórinn talaði og talaði og svaraði nánast sposkur óágengum spurningum fréttamannsins um ótta andstæðinga eldisins. Sagði glottandi að þeir fylgdu settum reglum. En loksins er eitthvert mótvægi að fæðast, Orri og NASF hafa lyft Grettistökum áður og nú er kannski von. Þessi tilkynning barst frá hans herbúðum í dag:

Áríðandi tilkynning

Hjálögð er áfangaskýrsla um tilkynningar um regnbogasilung sem fundist hefur nýlega í ám og vötnum á Íslandi. Hátt í hundrað tilkynningar hafa borist og sýna þær alveg svart á hvítu að verndarsvæðin virka alls ekki.  Fiskurinn fer út um allt land.

Þessir fiskar eru mjög ágengir og eiga ekki heima í íslenskri náttúru. Þeir munu væntanlega valda sams konar skaða hér á landi og annars staðar í heiminum þar sem þeir hafa sloppið út í náttúruna. Hér eru hliðstæðar hættur og með innflutning og dreifingu á minkum á fjórða áratugum. Regnbogasilungur er sýnu verri, ef marka má reynslu annara þjóða.  Þar hefur hann verið mikill smitberi á sýklum, sjúkdómsvaldandi efnum og óæskilegum snýkjudýrum, m.a. sjávarlús sem hvarvetna margfaldast í vistkerfinu. Sem betur fer er enn óvissa um það hvort regnboganum muni takast að að fjölga sér í náttúru Íslands vegna hrygningarmynsturs hans.

Útbreiðsla regnbogasilungsins vekur hins vegar upp mjög alvarlegar spurningar um það hvað muni gerast með lax sem sleppur úr fiskeldiskerjum. Því ef regnbogasilungurinn fer í allar ár eftir að hann sleppur er engin ástæða til að ætla annað en að laxinn geri það sama.  Það hefur verið margsýnt fram á það að ekki er hægt að koma í veg fyrir að fiskur sleppi úr opnum sjókerjum og því er nánast tryggt að laxeldi í opnum sjókerjum muni valda óafturkræfum spjöllum á villtu laxastofnunum. Gangi áætlanir um stóraukið fiskeldi eftir gæti það því verið dauðadómur fyrir íslenska laxinn.

Vinsamlegast dreifið þessum upplýsingum og hjálpið okkur að finna allar þær ár og staði þar sem regnbogi kann að hafa fundist.

Bestu kveðjur,

Orri Vigfússon

formaður, NASF.