Hreggnasi bætir tíu árum við í Laxá í Dölum

Laxá í Dölum, Hreggnasi
Við Laxá í Dölum. Myndin er frá Hreggnasa.

Veiðifélagið Hreggnasi, sem hefur haft Laxá í Dölum á leigu síðan árið 2014, hefur endurnýjað samning um ána til tíu ára.Samstarfið greinilega gott á þeim bæjum.

Í fréttatilkynningu sem Hreggnasi lét frá sér fara stendur m.a.; „Veiðifélagið Hreggnasi undirritaði á dögunum samning við Veiðifélag Laxdæla um leigu á Laxá í Dölum til næstu 10 ára. Hreggnasi kom að leigu Laxár í fyrsta skiptið árið 2014. Var strax hafist handa við alls kyns aðgerðir til að betrumbæta og hlúa að lífríki Laxár. Mjög hófsamur kvóti, skyldusleppingar á stórlaxi, lagfæringar á veiðistöðum og fiskvegagerð svo fátt eitt sé nefnt. Framkvæmdir við endurbætur og stækkun á veiðihúsinu við Þrándargil eru þegar hafnar. Öll aðstaða og aðbúnaður veiðimanna mun taka miklum breytingum til batnaðar næstu tvö árin.

Laxá í Dölum er með algjöfulustu ám landsins og er nær í sérflokki hvað varðar veiði per stöng og hlutfall stórlaxa í veiði. Mjög stórir árgangar seiða síðustu árin gefa fulla ástæðu til bjartsýni og ekki er ólíklegt að Laxá muni gera enn betur. En með opnun Laxastiga í
Sólheimafossi opnast mikið búsvæði. Nær einsdæmi er að svo langur samningar sé gerður um veiðirétt á Íslandi, en Veiðifélagið Hreggnasi undirritaði á síðasta ári samskonar
samning við Veiðifélag Grímsár og Tunguár í Borgarfirði. Er það til marks um gott samstarf landeigenda og leigutaka.“