Við erum pínu sein með vikuuppgjörið, vorum í veiðitúr. En á heildina litið, þá er þetta sama sagan, jafnvel dalandi. Sums staðar telja menn að að veiðin muni glæðast ef að rignir. Ef til vill er það rétt, en það er samt lítið af laxi. Nema á Norðausturhorninu og í Eystri Rangá. Annars staðar er þetta í besta falli skítþokkalegt og yfirleitt bara hörmulegt. Skoðum samt tölurnar…
Að venju er fremsta talan heildartalan til þessa og næsta tala veiði síðustu viku. Í svigunum koma síðan fyrri vikuveiðitölur þannig að menn geta séð stíganda, hníganda eða stöðugleika. Við erum aðeins með þær ár sem rofið hafa hundrað laxa múrinn. Og nú við lok júlí er magnað að sjá hversu margar þekktar ár eru enn að böðlast í tveggja stafa tölum. En það þarf ekki að fjölyrða um ástæður þessa.
Eystri Rangá 1813 – 474 (166 – 557 – 281 – 170 -142 – 63)
Selá í Vopn 794 – 188 (232 – 170 – 142 – 46 -16)
Ytri Rangá 777 – 147 (161 – 166 – 127 – 71 – 36 )
Miðfjarðará 767 – 120 (154 – 186 -105 – 84 -55 – 39 – 24)
Urriðafoss 705 – 25 (44 – 58 – 75 – 108 – 63 – 72)
Blanda 541 – 61 (155 – 60 – 90 – 40 – 25 – 25 – 31)
Þverá/Kjarrá 470 – 49 (66 – 104 – 111 – 62 – 17)
Hofsá í Vopn 392 – 67 (93 – 106 – 72 – 37 – 13 – 4)
Elliðaárnar 390 – 39 (48 – 66 -84 – 72 – 81 – 45)
Laxá á Ásum 358 – 83 (73 – 94 – 54 – 36 – 12)
Haffjarðará 348 – 46 (46 – 71 -52 – 42 – 51)
Jökla 320 – 83 (100 – 76 – 28 – 33 – 14)
Grímsá 314 – 53 (51 – 61 -55 – 28 – 35 – 21)
Laxá í Aðaldal 295 – 37 (61 – 42 – 44 – 26 )
Norðurá 241 – 16 (41 – 77 – 24 – 28 – 26 -18 – 4)
Langá 235 – 37 (50 – 16 – 21 – 12)
Svalbarðsá 223 – 48 (36 – 42 – 59 – 22)
Vatnsdalsá 203 – 38 (44 – 57 – 22 – 21 – 8 )
Víðidalsá 198 – 30 (35 – 31 -45 – 21 – 16 )
Hafralónsá 185 – 34 (29 – 57 – 65 )
Skjálfandafljót 151 – 20 (39 – 27-12-36)
Brennan 128 – 0 (1 – 1 – 4 – 15 – 14 -39 – 19 – 35)
Laxá í Leirársv. 125 – 20 (30 – 41 – 18 – 15)
Flókadalsá 125 – 9 (16 – 22 – 20 – 25 – 33 – 16)
Hrútafjarðará 120 – 18 (52 – 20 – 16 – 4 – 12)
Ölfusá 105 – 4 (21 – 12 – 26 – 23 – 12)
Laxá í Kjós 103 – 20 (8 – 12 – 21 – 17 – 19)
Menn taka eftir því að Eystri dalaði talsvert um daginn, en þar hafði verið rífandi stígandi. Áin var mjög skoluð um tíma, en var að koma til smátt og smátt og veiðin að taka samstundis við sér. Samt fór hún í 67 laxa á gruggdögum. Sama er að segja um Urriðafoss, hann er enn á niðurleið, en hefur verið einkar erfiður lengst af vegna mikils gruggs í Þjórsá. Áin er enn afar skoluð.
Við drögum línuna að venju við þriggja stafa tölu og það hafa nokkrar bæst í hópinn. Ekki samt margar og nokkrar frægar eru enn að berjast við það. Nokkur dæmi um hörmungar vikutölur í ám neðan við hundrað laxana eru: Haukadalsá 4 laxar, Úlfarsá 8 laxar, Stóra Laxá 5 laxar, Straumfjarðará 10 laxar, Leirvogsá 2 laxar, Gljúfurá 3 laxar, Straumar 2 laxar, Breiðdalsá 8 laxar og Svartá 0 laxar! Menn horfa kannski í lægri tölur í Þistilfirði og Vopnafirði, en stangarfjöldinn þar skiptir öllu máli. Þar er fín veiði þó að sveiflist á milli vikna.
Smálax hefur víðast hvar skilað sér illa. Það einfaldlega vantar fisk. Lesendur geta síðan séð enn meira á www.angling.is
