Tíu komu á land úr Eldvatni í gærmorgun, nokkrir til viðbótar í gærkvöldi og svo átta stykki í morgun. Þetta eru upp í 80 cm fiskar og meðalstærðin virkilega góð.
Það hefur verið kalt á veiðislóð í dag, vaxandi að norðan með tilheyrandi vindkælingu. Menn hafa samt staðið vaktina og skv Jóni Hrafni Karlssyni sem er einn leigutaka árinnar, og meðal veiðimanna í opnun þá eru menn mjög sáttir við þessa opnun. Fiskur er víða og hann er yfirleitt vænn.
