Samkvæmt öllu þá er að stefna í rosagott sjóbirtingsár, það er fyrir nokkru farið að mokveiðast í Vatnamótunum og í Eldvatni, sem ekki rennur í jökulvatn, hefur verið að veiðast hrikalega vel síðustu viku-tíu daganna. Margir fiskar og stórir og staðbundir silungar líka, urriðar og bleikjur. Meira að segja laxar á stangli.
Það voru menn að veiðum í Eldvatni nú um helgina, það byrjar yfirleitt ekki mjög þétt veiði í ánni fyrr en ca um þetta leyti. En líkt og helgina á undan þegar 2-3 veiðimenn fóru til tilraunaveiða í ánni, þá var niðurstaðan hin sama. Það er fullt af fiski í ánni og veiði góð. Ekki meira um það að segja í texta, vísum bara á myndirnar sem við fengum að láni af Facebook síðu Eldvatns…
