Við vorum með sautján í dag, skilyrðin voru ekki upp á það besta, allt of bjart og stillt. Það kemur niður á tökunni,“ sagði Sigurberg Guðbrandsson sem var meðal þeirra sem opnuðu Tungufljót í dag.
Sigurberg tjáði okkur að lítið hefði orðið vart við fisk frá brú og þar fyrir ofan, allur fiskurinn virtist vera á hefðbundnum stöðum þar neðan við, í Syðri Hólma og á Flögubökkum þar fyrir neðan. „Þetta voru fínir fiskar í bland, þrír yfir 70 cm og einn sem var 83 cm. Hlökkum til að sjá hvernig þetta fer á degi tvö,“ bætti Sigurberg við í kvöld.
