Veiðin er eiginlega vítt og breytt slök – en það eru undantekningar

Nýjustu vikutölurnar frá angling.is, sem miðast við gærkvöldið 5.ágúst benda til að fyrir utan örfáar undantekningar var laxveiðin frekar dræm síðustu vikuna. Göngur gætu verið að klárast, ár kannski ekki fullnýttar, aðstæður óhagstæðar, en allt um það, það er víðast hvar „Besti tíminn“, en aðeins tiltölulega fáar ár eru að skila umtalsverðri veiði.

Fyrir utan Eystri Rangá sem hefur verið sjóðandi heit í allt sumar, þá eru það helst ár á Norðausturhorninu, Selá, Hofsá, Jökla sem eru í góðum málum. Vestar er Miðfjarðará alveg í lagi og Blanda fékk göngu og nokkuð góða vikutölu. Aðrar á vestanverðu Norðurlandi eru mjög rólegar.

Vestanlands er enn fremur doði, Borgarfjarðarárnar slakar utan að Grímsá náði 77 laxa viku. Tölur úr vatnamótasvæðunum í Hvítá gefa ekki göngur til kynna, 5 í Skugga, 4 í Straumunum, Brennan 16 stykki. Haffjarðará er með góða viku, en Langá, Straumfjarðará, auk Dalaánna eru slakari. Ýmsar ár eru betri en í fyrra þó að þær séu ekki að skora þessa vikuna, t.d. Laxá í Kjós og í Leirvogsá segja menn að ekki hafi sést eins mikill lax í mörg herrans  ár, en slæm nýting komi í veg fyrir hressilegri tölur. Það er eins og það hafi gleymst að það eru mjög víða gloppur í nýtingu út af veirufárinu.

En kíkjum á vikutölurnar, fyrri talan er heldartalan miðað við kvöldið 5.8 og talan í sviganum er vikutalan)

Eystri Rangá                3981 (673)

Ytri Rangá                    1385 (245)

Miðfjarðará                  920  (191)

Urriðafoss                     874  (81)

Norðurá                         705  (60)

Haffjarðará                    669  (103)

Selá                                 620  (138)

Þverá/Kjarrá                  617  (79)

Hofsá                               546 (142)

Langá                               494  (69)

Jökla                                 458  (125)

Laxá í Kjós                       431  (42)

Blanda                             410  (76)

Laxá á Ásum                   363  (47)

Elliðaár                            325  (38)

Víðidalsá                         292  (41)

Grímsá                             286  (77)

Skjálfandafljót                268  (50)

Laxá í Aðaldal                 264  (22)

Laxá í Dölum                  211   (42)

Svalbarðsá                      208  (60)

Haukadalsá                     205  (23)

Vatnsdalsá                      200   (39)

Brennan                           175  (16)

Hrútafjarðará          165  (35)

Hafralónsá               162  (30)

Leirvogsá                  156  (28)

Straumar                   155 (4)

Látum þetta gott heita þetta sinnið. Tölurnartala sínu máli. Það eru svæði í lagi, önnur langt frá því þó að þau séu eitthvað skárri en í fyrra. En það á ekki að bera neitt saman við 2019.