Loftköst og læti, myndin er frá opnun Norðurár í fyrra , en hún hafði orðið hroðalega fyrir barðinu á aðstæðunum.

Við skemmtum okkur ekkert við að velta okkur uppúr ógöngunum við laxveiðiárnar á þessu magnaða veiðisumri, en því miður eru fréttir fréttir og fréttir eru ekki alltaf góðar. Hér förum við öðru sinni á þessu sumri yfir samanburð við síðasta sumar. Miðast nú við 31.7 skv angling.is og sambærilegur dagur þess vefs í fyrra var 1.8. Einn sólarhringur skiptir engu máli í þessu samhengi. Þrátt fyrir sótsvarta heildarmynd þá eru ljósir punktar. Kíkjum á….

Alls eru fimm laxveiðiár með betri tölu en á sama tíma í fyrra, Svalbarðsá, Hafralónsá, Deildará, Fnjóská og Ölfusá. Ekki eru plústölurnar þó stórar. Þarna hefði Eystri Rangá skarað framúr ef áin hefði ekki lagst í grugg stóran hluta síðustu veiðiviku sem miðaðist við s.l. miðvikudagskvöld. Hún datt niður í mínus 18 fyrir vikið, en hefði allt verið með felldu væri hún með einhverjum hundruðum löxum meira en á sama tíma í fyrra. Mikill lax er í henni, og enn að ganga.

Selá og Hofsá eru enn að vinna sig upp og því enn í mínus. Þar er þó svo góður gangur síðustu vikur að lítill vafi er á því að þær bæta sig frá síðasta ári.

Eystri Rangá          1349 – 1367 (mínus 18)

Urriðafoss             680 – 1038 (minus 358)

Miðfjarðará           647 – 1422 (minus 775)

Ytri Rangá             628 – 1549 (minus 921)

Selá                     606 – 706 (minus 100)

Blanda                  480 – 771 (minus 271)

Þverá/Kjarrá          421 – 1975 (minus 1554)

Elliðaárnar             351 – 684 (minus 333)

Hofsá                    325 – 384    (minus 59)

Haffjarðará            302 – 1075 (minus 773)

Laxá á Ásum          275 – 402 (minus 127)

Grímsá                  261 – 637 (minus 376)

Laxá í Aðaldal         258 – 415 (minus 157)

Jökla                      237 – 303 (mínus 66)

Norðurá                 225 – 1352 (minus 1127)

Langá                    198 – 1003 (minus 805)

Svalbarðsá             175 – 146 (plús 29)

Víðidalsá                 168 – 309   (minus 141)

Vatnsdalsá               165 – 244 (minus 79)

Hafralónsá                151 -128 (plús 23 miðað við 8.8)

Skjálfandafljót          131 – 140   (mínus 9)

Brennan                   128 – 306 (mínus 178)

Laxá í Leirársveit       125 – 459 (minus 334)

Flóka                        116 – 314 (minus 198)

Hrútafjarðará            102 – 202 (minus 29)

Ölfusá                      101 – 90  (plús 11)

Laxá í Dölum             94 – 562  (minus 468)

Hítará                       90 – 369 (minus 279)

Haukadalsá                89 – 412 (mínus 323)

Deildará                     84 – 63  (plús 21)

Laxá í Kjós                 83 – 667 (minus 584)

Fnjóská                      69 – 62 (plús 7)

Stóra Laxá                  65 – 308 (mínus 243)

Hvítá v/Langholt         56 – 316 (minus 260)

Straumfjarðará           49 – 218 (mínus 169)

Búðardalsá                 48 – 172  (minus 124)

Straumar                   39 – 198 (mínus 166 miðað við 88)

Leirvogsá                   34 – 175 (mínus 121)

Gljúfurá í Bo.              32 – 156 (minus 124)

Svartá í Hún.               13 – 53 (minus 40)

Breiðdalsá                   12 – 40 (minus 28)

Sem sagt. Með örfáum undantekningum þá er þetta ekki skemmtilestur og raunar hræðilegt að sjá hversu hrunið er afgerandi. Þarna eru samspilandi þættir. Bág staða gönguseiða í fyrravor- og sumar, vatnsleysi nú. Hafið virðist ekki vera vondi karlinn núna, a.m.k. kemur laxinn yfirleitt glæsilegur úr hafbeitinni. Þó hefur borið á örlöxum á vestanverðu landinu.

Þrjár ár af lista angling.is eru undanskyldar hér. Afall og Þverá í Fljótshlið þar sem tölur úr þeim hafa ekki verið uppfærðar síðan 3.7 og Úlfarsá vegna þess að enga viðmiðunartölu er að hafa frá henni frá 2018.