Jólablað Sportveiðiblaðsins er komið út, nákvæmlega á besta tíma, rétt fyrir jól. Samkvæmt fréttatilkynningu frá þeim félögum Gunnar og Ingimundi þá er skotveiði ansi hátt skrifuð í blaðinu, en þar kennir samt margra grasa að venju.

Í fréttatilkynningunni segir: „Í þessu þriðja tölublaði ársins fær skotveiði sérstaklega mikið vægi. Guðmundur Þ. Guðmundsson landsliðsþjálfari í handbolta er kominn heim og ræðir þriggja ára planið og veiðina. Haraldur Haraldsson kynnir fyrir okkur Whaleriver í Kanada og Ellert Aðalsteinsson margfaldur meistari í skotfimi er í viðtali. Rasmus Ovesen færir okkur frásögn frá Astove hringrifinu þar sem hann berst við meistara eyðileggingana, risabrynstirtluna. Við kynnumst fluguveiðifélaginu Ármönnum og fáum pistil frá Áka formanni Skotvís. Einnig gluggum við í jólabækurnar og birtum brot úr völdum bókum eins um Gunnar í Hrútatungu, Undir sumarhimni auk þess sem við gluggum í ritið Fiskivegir eftir Þór Sigfússonar en hún er um laxastiga sem Vífill Oddsson verkfræðingur hefur hannað eða komið að í gegnum tíðina. Einnig eru pistlar og greinar, fluguhnýtingahornið er á sínum stað og margt áhugavert.“