Ef við skoðum aðeins vikutölurnar betur þá kom í ljós að sautján ár eru þegar komnar með hærri tölu núna heldur en í það heila í fyrra. Það er samt ekki ávísun á betri vertíð 2018, því margar ár eru ólíklergar til að komast nálægt síðasta árs tölu. Að vísu er svolítið eftir af vertíðinni, en slagkrafturinn er búinn í flestum ám og þessi statistík er ólíkleg til að breytast mikið úr því sem komið er. En skoðum….
Þetta eru sautjan ár og þegar september er að byrja þá er það ekki svo slæmt að hafa gefið meiri afla heldur en allt síðasta sumar. Eystri Rangá, Urriðafoss og Þverá/Kjarrá eru að okkar mati stóru númerin, enda tróna þau svæði í efstu sætunum í þessari tilteknu statistík. Haffjarðará skorar líka vel og sama má segja um Selá og Affallið. Hér koma árnar og er fyrri talan sú sem var á angling.is síðasta miðvikudag og sú seinni heildartala síðasta árs, einning samkvæmt angling.is.
Eystri Rangá 3344 – 2143
Þverá/Kjarrá 2369 – 2060
Haffjarðará 1435 – 1167
Urriðafoss 1243 – 755
Selá 1222 – 937
Elliðaárnar 893 – 890
Laxá í Dölum 879 – 871
Hofsá 602 – 589
Affall 590 – 193
Haukadalsá 545 – 503
Hítará 524 – 494
Jökla 402 – 355
Búðardalsá 307 – 255
Miðá 292 – 215
Langadalsá 206 – 138
Laugardalsá 192 – 175
Fnjóská 110 – 107
Þannig hljómar það. Lesendur sjá að sums staðar munar voða litlu, t.d. 3 löxum í Fnjóská sem var afburða léleg í fyrra, en það verður skárra í ár. Þrír laxar í Elliðaánum, en það verður betra í ár. Það eru líka nokkrar ár sem gætu bæst í þennan hóp áður en yfir lýkur. En sjáum til.
