Mýrarkvísl, Matthías Þór
Það hefur verið að reytast bærilega uppúr Mýrarkvísl, hér eru nokkrir tifandi í Stokkhyl. Mynd Matthías Þór Hákonarson.

Vikutölur angling.is segja stóra sögu. Það dregur víðast hvar úr veiði. Ekki síður a vestanverðu landinu sem þó fékk burðugri smálaxagöngur heldur en Norðurlandið. Vatn hefur minnkað og göngur svo að segja búnar.  Það er þó ágætis kraftur hér og þar, eins og t.d. í Rangárþingi þar sem Eystri er á topnum og þegar komin vel fram úr heildartölu sinni frá síðasta ári.

Eystri Rangá, Árni Baldursson
Eystri Rangá hefur verið málið í sumar, jöfn og flott veiði í allt sumar og áin komin langt yfir slaka tölu sína síðan í fyrra. Mynd Árni Baldursson.

Kíkjum nánar á þetta og við höfum aftur tekið það upp að reikna út vikutöluna og bæta heildartölu síðasta sumars við í sviga.

Eystri Rangá       3060 – 409 (2143)

Ytri Rangá            2556 – 268 (7451)

Þverá/Kjarrá       2271 – 69 (2060)

Miðfjarðará           2039 – 176 (3765)

Norðurá                  1497 – 42 (1719)

Haffjarðará            1353 – 66 (1167)

Langá                        1288 – 79 (1701)

Urriðafoss                1211 -72 (755)

Selá                             1111 – 82 (937)

Elliðaár                      857 – 46 (890)

Blanda                        853 – 5 (1433)

Grímsá                       814 – 56 (1290)

Laxá í Dölum            807 – 68 (871)

Laxá í Kjós                  752 – 17 (860)

Laxá í Leir.                  589 – 24 (624)

Hofsá                            570 – 65 (589)

Laxá á Ásum               565 – 43 (1108)

Laxá í Aðaldal             557 – 58 (709)

Haukadalsá                  522 – 25 (503)

Hítará                             511 – 46 (494)

Affall                               457 – 66 (193)

Víðidalsá                        439 – 23 (781)

Flókadalsá                     379 – 17 (423)

Jökla                                372 – 12 (355)

Vatnsdalsá                     353 – 49 (714)

Stóra Laxá                       349 – 0 (590)

Þverá í Flj.                       322 – 45 (448)

Hér að ofan má sjá að Eystri Rangá er nú komin með 917 löxum meiri veiði en allt síðasta sumar. Þá má einnig sjá að þrátt fyrir ágætisgang síðustu vikuna, þá er Ytri Rangá 4895 löxum undir heildartölu síðasta sumars.

Auk Eystri Rangár er Þverá/Kjarrá komin fram úr sinni heildartölu frá 2017 og sama má segja um Haffjarðará, Urriðafoss, Selá, Haukadalsá, Hítará, Affall og Jöklu. Jökla hefur samt slakað mjög á, eftir góða veiði framan af kom yfirfall miklu fyrr en menn vonuðust eftir. Eftir það er lítið veitt nema í hliðaránum. Blanda er líka hrunin af sömu sökum.

Þá eru nokkrar ár sem eru neðar í listanum hjá angling.is með hærri tölu nú en allt síðasta sumar og má nefna Búðardalsá og Miðá. Enn fleiri eru komnar nærri heildartölunni frá síðasta sumri. En listinn sýnir að margar eru lþar vel að baki.

Athygli vekur líka að samkvæmt töflu angling.is veiddist ekki einn einasti lax í Stóru Laxá í umræddri viku, en við hljótum að gefa okkur að það sé innsláttarvilla!

Eystri Rangá.
Þeir gerast legnir, en þennan flotta hæng veiddi spænskur kappi á vegum Lax-ár. Mynd Árni Baldursson.

En hver er staðan ef að við berum saman við sama tíma í fyrra? Ef við rennum aftur í gegnum Þessar 26 töluhæstu ár, þá eru 18 þeirra með hærri tölu en á sama tíma í fyrra, hinar eru flestar þekktustu árnar fyrir norðan. Grímsá er svolítið úti á túni með næstum hundrað löxum minna en á sama tíma í fyrra, á meðan nánast allar ár á vestanverðu landinu eru með hærri tölu, a.m.k. þær sem eru á lista þessum. Ytri Rangá stingur líka í stúf, en þar byggist allt á sleppingu gönguseiða og augljóslega hefur sleppingin í fyrra ekki gengið jafn vel og sú árið á undan.

En hér kemur listinn aftur og nú er aftari talan sambærileg tala frá síðasta sumri:

Eystri Rangá       3060 – 1685

Ytri Rangá            2556 – 4218

Þverá/Kjarrá       2271 – 1777

Miðfjarðará           2039 – 2668

Norðurá                  1497 – 1355

Haffjarðará             1353 – 1033

Langá                        1288 – 1237

Urriðafoss                1211 – 742

Selá                             1111 – 813

Elliðaárnar                857 – 764

Blanda                         853 – 1390

Grímsá                         814 – 918

Laxá í Dölum              807 – 418

Laxá í Kjós                  752 – 549

Laxá í Leir.                   589 – vantar tölu, en hún var lægri

Hofsá                              570 – 462

Laxá á Ásum                 565 – 790

Laxá í Aðaldal               557 – 583

Haukadalsá                    522 – 359

Hítará                              511 – 375

Affall                               457 – 116

Víðidalsá                        439 – 583

Jökla                                372 – 288

Vatnsdalsá                     353 – 505

Stóra Laxá                      349 – 309

Þverá í Flj.                      322 – 284