Óhætt er að segja að laxveiðin fari vel af stað vertíðina 2020, en nú rétt fyrir kvöldmat var búið að landa 14 löxum úr Urriðafossi í Þjórs, en þar hefur fyrsta opnunin verið hin síðari ár.
Nær allt var þetta stór og fallegur tveggja ára fiskur, en athygli vakti þó í morgun að einn smálax var í aflanum. Spáð hefur verið góðum smálaxagöngum á komandi sumri og að slíkur fiskur veiðist svo snemma er oftar en ekki undanfarið góðra gangna.
Þjórsá var mikilúðleg og fremur erfið viðureignar í dag, en á móti kemur að laxinn liggur ekki langt frá landi aö öllu jöfnu. All nokkrir dagar eru síðan að fyrstu fiskarnir sáust í ánni, þessi öfluga byrjun kemur því tæplega á óvart. Verður fróðlegt að fylgjast með gangi mála næstu daga, en svo byrja þær hver af annarri, Blanda og Norðurá næstar.
