Skaftárhlaupið hefur verið mikið í fréttum síðustu daga, enda er það það mesta frá því er mælingar hófust. Hlaupin eru smátt og smátt að teppaleggja hraunið og draga úr rennsli út í árnar í Landbroti og Meðallandi, og við erum með sláandi myndir af því hvernig Grenlækur og Tungulækur hafa umhverfst. Þetta gerðist ekki forðum í Skaftárhlaupum. Við báðum Magnús Jóhansson um stöðutékk…

Magnús er einn af helstu sérfræðingum Veiðimálastofnunart sem reyndar er hluti af Hafró í dag. En allt um það, Magnús svaraði spurningum okkar svonhljóðandi: „Þótt jökulvatn renni til lækjanna tímabundið þarf það ekki að hafa mikil áhrif á lífríkið. Það fer þó eftir hve vatnið er gruggugt og hversu langan tíma þetta stendur yfir. Þarna er náttúran að verki við ráðum ekki við Skaftárhlaupin. Minni á að auðugt lífríki og góð hrygningarsvæði eru í jökulvötnum hér á landi, má þar nefna Kúðafljót, Þjórsá og Ölfusá-Hvítá.

Það sem er meiri ógn fyrir lífríki þessara lækja er vatnsleysi, sem varð nú síðast árið 2016. Vatn sem flæðir á Eldhraunið er undirstaða að frjósömu lífríki áa og lækja í Meðallandi og Landbroti.“