Fallið stórmenni

Fallinn er einn helsti einstaklingur sem hefur skráð sögu okkar, sögu okkar stangaveiðimanna. Í gegn um þykkt og þungt um áratuga skeið. Ég ætla ekki að hafa þetta langt, þessi maður var einn af mínum lærifeðrum í blaðamennsku og veiðiskap. Hann var orðinn gamall og þreyttur og lungun gáfu sig. Steinar J. Lúðvíksson, kveðjur til þín og þinna og þakklæti fyrir áratugina. Síðasta verk hans var saga Laxárfélagsins, kom út fyrir tveimur árum. Mikið verk og vandað eins og hans var von og vísa.