Það eru nú bara nokkrir dagar síðan að við sögðum frá því að Reiðari Öndin hefði framleitt heila fjölskyldu af flugunni Green Dum, sem sagt búið til fleiri litarafbrigði. En hver er þessi Green Dum sem hefur slegið rækilega í gegn sem sjóbirtingsfluga síðustu árin?
RÖ sagði okkur að flugan væri eftir Theodór K. Erlingsson sem væri mikið við veiðar og leiðsögumennsku í Tungulæk. Flugan hafi upphaflega verið púpa, en væri nú uppfærð, stílfærð og stækkuð. Sjálfur segir Theodór: „Fyrir c.a 4-5 árum bað ég Viðar Egilsson fluguhnýtara að gera fyrir mig flugu með grænu glimmeri sem endaði með green dum, hef ekki prófað hana í annarri á en í Tungulæk. Þessi græni litur kom þannig til að mér virtist að þessi litur væri ekki mikið notaður, að minnsta kosti með mínum veifélögum. Síðan hafa margir byrjað að hnýta þessa flugu og núna síðast gerði Reiða Öndin Dum fjölskyldu.
Sjóbirtingsveiði getur verið gríðalega skemmtileg og fyrir menn með mikla veiðiþörf þá lengir hún veiðitímabilið svo um munar. Maður tók mikla vor og haust spretti hér áður fyrr en verð að viðurkenna að eftir því sem árin færast yfir þá hefur þeim fækkað snarlega, en alltaf gaman. Flugan Green Dum hefur fest sig í sessi nú síðustu ár og verið aflahæðsta flugan í Tungulæk, þessari frábæru perlu sem hún er. Síðasta ár var bætt við Silver Dum að ósk veiðimanns sem veiðir þar mikið, loðnar og sterkar, eins og hann sagði, svínvirkaði . Nú er Dum fjöllan orðin stærri, orange blá og blóðrauð. Flugurnar eru hnýttar á túbukróka sem eru þykkir og mjög sterkir þar sem Sjóbirtingurinn getur verið gríðalega stór, og þeim fjölgar og þeir stækka þökk sé veiðistjórnun.“
Fjögur til fimm ár síðan segir Theodór, en það var s.l. vor sem að „almenningur fékk að vita betur um hana. Í vorveiðinni í Tungulæk bar hún svo algerlega af að um tíma þurfti vart að kasta annars konar flugu í ána. VoV hefur líka heyrt af því að hún hafi gefið vel víðar.
En þessi græni litur, hann vekur upp gamalt umræðuefni, s.s. að grænn litur væri almennt ekki líklegur til afreka. Fiskar finndu á sér að þetta græna væri gróður og málsmetandi veiðikempur sögðu VoV oft frá því að þeir hefðu séð laxa koma á skriðinu en snarhætta við þegar í ljós kom að grænt slý eða gróður hékk á flugunni. En á sama tíma: Grænn Bomber, Green Highlander, Green But o.s.frv o.s.frv. Að sjá ætti hvaða litartípa úr Dum familíunni að geta gengið í hvaða „bleika fisk“ sem er.
