Að fjalla um „veiðistaðinn“ geftur verið allt frá því að frá því að fjalla um á, vatn, hyl, streng, bakkalegnd, tanga, vík. Hér ætlum við að taka fyrir veiðistaðinn, Hólaflúð í Jöklu. Hvað kemur næst veit enginn, vandi er um slíkt að spá.
Þröstur Elliðason er leigutaki Jöklu eins og margir þekkja. Við gefum honum orðið með Hólaflúð: „Hólaflúð er öflugasti veiðistaðurinn i Jöklu með yfirleitt 100-200 laxa a 1-2 mánuði i veiði. Smá flúða eða fall rétt fyrir ofan hana sem tefur aðeins laxinn serstsklega i miklu vatni eða köldu og þá safnast hann á fluðina. Magnað umhverfi i gljúfri umlykur staðinn en aðgengi er samt ágætt en stígur hefur verið gerður á staðinn fra bilastæðinu fyrir ofan. Þar geta menn lika fylgst með laxinum, en vel sest yfir staðinn þaðan.“
Við skjótum hér inn skemmtilegri veiðisögu frá sumrinu 2023. Þá stefndi í fína veiði, en yfirfallið kom snemma. En Spánverji nokkur kom mjög seint í hús fyrsta daginn. Tafðist og innan við klukkutími eftir af fyrstu vakt þegar hann renndi í hlað í Hálsakoti, veiðihúsi Jöklu. Hann var samt drifinn af stað og lá leiðin í Hólaflúð til að ná nokkrum köstu, Það voru tíu mínútur eftir af vaktinni þegar hann óð út í og byrjaði að kasta. Þessi knappi tími dugði til að setja í og landa tæplega meterslöngum höfðingja.
