Nojararnir ekki mikið að pæla í verndun laxastofna

Hún hrygnir ekki þessi. Og við á VoV tökum fram, við erum ekki fanatískir V&S lið. Stðjum það þar sem við á. En þessi mynd er svona það sem Kaninn kallar "grotesque".

Norðmenn eru ekki mikið að pæla í því að laxastofnar séu margir í hnignu. Vissulega er V&S við líði í mörgum ám, en langt því frá alls staðar. Þó hafa margar laxveiðiár í Noregi verið lokaðar vegna eldislaxagangna og sýkinga o.fl sem því fylgir. Gömlum harðbala umsjónarmönnum VoV sem ólust upp við að veiða og éta, blöskrar samt svona frétt…

Sem sagt, þarna hampar Norðmaður nýveiddum laxi sínum skælbrosandi, enda má hann brosa eftir að hafa landað 18 kg laxi. 36 punda, þeir gerast varla stærri hér heima á klakanum. Og drepið hann. Það er sagt að hrygnur af þessari stærð dæli út svakalegu hrognamagni, en hængar af sömu stærð séu orðnir frekar stirðir til kynlífsins. Ekki verður annað séð af myndinni en að þetta sé hrygna….eða hvað? Aftakan er ekki jafn óhugnarleg ef að þetta er hængur. En ef þetta má í Noregi, þá má það. Engu svo sem við það að bæta.