Stóra Laxá í Hreppum, Laxárholt
Laxárholt á svæði 2 í Stóru Laxá. Myndin er fengin af FB síðu Árna Baldurssonar.

Lax-á, leigutaki Stóru Laxár í Hreppum, efnir til kynningar á öllum svæðum Stóru Laxár þá þrjá sunnudaga sem eftir standa í mai. Þetta er þáttendum að kostnaðarlausu, en þáttakendafjöldi takmarkaður vegna samkomuviðmiða.

Í fréttatilkynningu sem Lax-á sendi frá sér má lesa m.a. eftirfarandi: Næstu helgar mun fara fram veiðistaðakynning á öllum svæðum Stóru Laxár þar sem farið verður yfir veiðistaðina, helstu tökustaði og allar þær upplýsingar sem koma sér vel þegar veitt er í ánni. Þá gefst veiðimönnum færi á að kynnast ánni á staðnum og læra á hana, að kostnaðarlausu.

Árni Baldursson mun halda kynninguna ásamt reyndum leiðsögumönnum sem þekkja svæðið í þaula.. 20 manns komast að á hverja kynningu. Kynningin verður á eftirfarandi svæðum:

Sunnudaginn 17. maí 2020, kl. 13.00 á Stóru Laxá svæði 1&2
Sunnudaginn 24. maí 2020, kl 13.00 á Stóru Laxá svæði 3
Sunnudaginn 31. maí 2020, kl. 13.00 á Stóru Laxá svæði 4

Mæting er kl. 13.00 í Árnesi á bensínstöðina/veitingastaðinn og haldið verður þaðan í samfloti á viðeigandi svæði. Kynningin er sem fyrr segir að kostnaðarlausu og býðst þáttakendum einnig 25% afsláttur af lax- og silungsveiðileyfum fyrir komandi sumar sem bókuð eru á kynningardeginum.  Nánari upplýsingar má skoða á FB síðu Lax-ár.