Fishpartner bleikja
Falleg bleikja

Búið er að stofna félag fyrir unga veiðimenn, karla sem konur, sem stunda hvort heldur er stangaveiði eða skotveiði. Eða alveg eins bæði. Einn stofnenda félagsins Jón Hugó Bender , sendi VoV upplýsingar um hið nýja félag og sagði þar meðal annars:

„FUSS, félag ungra í skot- og stangveiði, var nýlega stofnað. Tilgangur félagsins er að koma
saman ungu fólki sem hefur áhuga á skot- og stangveiði. Félagið er fyrir byrjendur jafnt sem
lengra komna. Öflugt félagsstarf verður allt árið um kring. Stofnendur félagsins eru Þorsteinn Stefánsson, Helga Kristín Tryggvadóttir, Jón Hugo Bender og Gissur Karl Vilhjálmsson.

Markmið félagsins er að fræða og vekja vitund ungs fólks á umhverfi veiðinnar. Dæmi um
viðburði sem haldnir verða eru kastnámskeið, fluguhnýtingarnámskeið, skotæfingar, hátíðir
og veiðiferðir. Opnunarviðburður félagsins verður haldinn á Sólon fimmtudaginn 27. febrúar og byrjar klukkan 20:00. Við viljum endilega hvetja allt ungt áhugafólk um veiði til að mæta á
opnunumarviðburðinn og kynna sér félagið. Heimasíða félagsins opnar sama kvöld en hægt er að fylgjast með á www.fuss.is