Fallegur Skaftfellskur sjóbirtingur

Það er komin dagsetning á Íslensku fluguveiðisýninguna sem að samnefnd sjálfseignarstofnun rekur og Fish Partner stendur að stærstu að baki. Þetta er spennandi atburður sem orðinn er árlegur. Hér er fréttattilkynning sem að þeir sendu okkur:

„Íslenska fluguveiðisýningin verður haldin þann 26. mars næstkomandi í Háskólabíói. Atburður sem enginn áhugamaður um stangveiði ætti að láta fram hjá sér fara. Íslenska fluguveiðisýningin er sjálfseignarstofnun og verður öllum hagnaði af sýningunni varið í þágu meginmarkmiðs sýningarinnar sem er að standa vörð um íslenska náttúru og dýralíf með áherslu á vernd og uppbyggingu villtra ferskvatnsstofna, þá einkum lax, urriða og bleikju. Önnur markmið Íslensku fluguveiðisýningarinnar eru að stuðla að vandaðri umræðu og fræðslu um verndun villtra ferskvatnsstofna og að efla samfélag fluguveiðimanna hér á landi.

Sýningin verður í Háskólabíói.
Dagskrá:
15:00               Húsið opnar – fluguveiðisýning í anddyri
17:30-18:20     Málstofa í stóra sal
20:00               Uppboð á veiðileyfum og veiðivörum í stóra sal
20:30               IF4 kvikmyndahátíðin í stóra sal (2 klst.)