Þetta er að vísu íslensk veiðisíða, en ef að það koma upp risafréttir annars staðar frá, þá erum við fyrst og síðast fréttaveita. Nú er búið að loka Yokanga í Rússlandi. Mögulega mestu laxveiðiá veraldar fyrir Atlantshafslaxinn. Leiðsögumaður dó á árbakkanum og nú er rannsókn í gangi.
Dauðsfallið er dularfullt. Það er einn leiðsögumaður fyrir tvo veiðimenn og þar sem áin er erfið þá staðsetur leiðsögumaðurinn sig á milli tveggja gesta. Hefur gætur á þeim. Í þessu tilviki var þetta algeralega þannig, en skyndilega tyndu veiðimennirnir leiðsögumanninum. Síðan fannst hann dáinn á árbakkanum og „sagan“ segir að hann hafi verið á báti og hvolft og drukknað. Samt var ekkert vatn í lungum hans og þá beinast spjótin að veiðiþjófum, sem eru nógu harðskeyttir til að myrða veðivörð, enda mikil og heiftarleg hefð fyir veiðiþjófnaði á þessum slóðum.
