Eldvatn, Jón Hrafn
Einn stórglæsilegur úr opnun Eldvatnsins 2019. Veiðimaður er Þorgeir Þorgeirsson yngri. Mynd Þorgeir Þorgeirsson eldri.

Sjóbirtingsvertíðin er hafin og ein af þeim ám sem opnuðu strax í morgun var Eldvatn í Meðallandi. Ekki er hægt að segja annað en að vel hafi farið af stað skv fréttum hjá Jóni Hrafni, einum af leigutökum árinnar.

Eldvatn, Hundavað
Einn flottur úr Hundavaðinu. Veiðimaður er Þorgeir Þorgeirnsson eldri. Mynd Þorgeir Þorgeirsson yngri.

Það var fínasta veður, fremur kalt þó en stillt og vetrarlegt, jörð mikið til hvít. En fiskur var við, „við vorum með tíu landaða í morgun,75 cm stærstur. Annars bara góð stærð og ástand.  Villi , Þórðavörðuhylur , Hundavað og Mangatangi að gefa best,“ sagði Jón Hrafn í skeyti til VoV í dag.

Eldvatn, Jón Hrafn
Glæsilegur geldfiskur úr opnun Eldvatns 2019. Veiðimaður er Þorgeir Þorgeirsson yngri. Mynd Þorgeir Þorgeirsson eldri.

Veiði átti ekki að hefjast fyrr en á seinni vaktinni í Geirlandsá og Tungufljóti, við vonumst til að heyra fréttir af þeim slóðum áður en yfir lýkur með þennan dag og komandi kvöld.