Vötn & Veiði - Vef TV

Upphaf vertíðar 2011 - 1. apríl

Wed, 6 Apr 2011 23:31:00 +0000

Þetta er myndskeið frá Tungulæk og Varmá 1. apríl 2011. Ritstjórnin fór á þessum fyrsta degi í stangveiði sina hefðbundnu ferð til að fylgjast með aflabrögðum.

Mikill uppgangur í Selá í Vopnafirði

Tue, 21 Sep 2010 11:44:00 +0000

Selá í Vopnafirði hefur verið í mikilli sókn undanfarin ár og áratugi. Þar hefur hófsemi við veiðar verið höfð í hávegum, laxi sleppt og veitt á tiltölulega fáar stangir ef miðað er við lengd árinnar.

Mjög góð veiði í Sogi

Tue, 14 Sep 2010 20:32:00 +0000

Mjög góð veiði hefur verið í Soginu það sem af er þessu laxveiðisumri. Áin er komin í um 1.100 laxa og nú sígur á seinnihluta tímabilsins.

Laxá í Þingeyjarsýslu

Tue, 24 Aug 2010 23:13:00 +0000

Veiðin í Laxá í Þingeyjarsýslu hefur verið betri það sem af er þessu sumri heldur en í fyrra. Þá eru veiðimenn sammála um að urriðinn sé betur haldinn og meira hefur sést af smáfiski en síðastliðið sumar.

Vatnsleysi í ám á vestanverðu landinu

Fri, 6 Aug 2010 11:16:00 +0000

Lítið hefur rignt nú í júlí á sunnan- og vestanverðu landinu. Það hefur hamlað laxagöngum og borist hafa fregnir af laxadauða m.a. í Norðurá. Þennan dauða vilja menn m.a. kenna háum vatnshita, bágum vatnsbúskap og þar með súrefnisleysi í ánum. Þá hefur einnig verið nefnt að veiða/sleppa fyrirkomulagið gæti haft áhrif þar á.

Norðlingafljót í Borgarfirði

Mon, 26 Jul 2010 17:51:00 +0000

Jóhannes Sigmarsson hefur tekið við af föður sínum sem umsjónarmaður
einnar sérstæðustu laxveiðiár landsins, Norðlingafljóts í Borgarfirði sem er
frá náttúrunnar hendi nánast sköpuð til að fóstra lax, en vegna aðgengis,er
alls ófær um það nema með aðstoð mannshandarinnar.

Steinboginn, efsti veiðistaður í Jöklu?

Thu, 22 Jul 2010 18:30:00 +0000

Jökulsá á Dal sem var hið magnaðasta jökulfljót áður en virkjað var við Kárahnjúka er nú nánast tær sem bæjarlækur. Hún, ásamt þverám, gaf tæplega 320 laxa á síðasta ári og nú reikna menn með 470 - 500 löxum.

Leirvogsá - 25.júní

Sun, 27 Jun 2010 03:00:00 +0000

Skúli Skarphéðinsson fyrrum veiðivörður við Leirvogsá opnaði ána í morgun. Hann þekkir ána eins og puttana á sér, enda landaði hann hverjum laxinum af öðrum...

Laxá í Kjós opnuð

Sat, 26 Jun 2010 01:27:00 +0000

Laxá í Kjós var opnuð í morgun og það voru áhyggjur af vatnsleysi. En þrátt fyrir það settu menn í fullt af fiski og það var frú Þórdís á Valdastöðum sem landaði fyrsta laxinum.

Jón Gnarr opnar Elliðaárnar

Sun, 20 Jun 2010 11:57:00 +0000

Hinn nýi borgarstjóri Reykjavíkur Jón Gnarr opnaði Elliðárnar í morgun með hefðbundnum hætti. Hann hafði aldrei fyrr veitt lax en var ekki lengi að breyta því.

Opnun Norðurár

Sat, 5 Jun 2010 21:23:00 +0000

Það er stór dagur í dag. 5.júní...fyrsti dagur nýrrar laxveiðivertíðar. VoV skrapp í Borgarfjörðinn að vanda og festi þar á filmu minnistæðustu atvik dagsins. Þetta var fallegur dagur!

Vötnin vöknuð af vetrardvala

Fri, 28 May 2010 09:25:00 +0000

Það styttist óðum í sumarið og vötnin eru að vakna af vetrardvala. Í sumum þeirra hefur verið ágætis veiði. Við kíktum aðeins í Hlíðarvatn og tókum púlsinn!!

Þokkalegt kropp í Aðaldalnum

Thu, 27 May 2010 11:10:00 +0000

Brjánn Ingason fór fyrir hópi veiðimanna, hópi sem hefur veitt í Laxá í Aðaldal um Hvítasunnu allmörg undanfarin ár. Þau hófu veiðar á laugardegi og veiddu í þrjá daga. Þetta holl veiðir mikið á léttar græjur og þurrflugu.

Magnaðar flugur
– Súddi í stuttu spjalli

Tue, 11 May 2010 00:56:00 +0000

Sigurður Staples "Súddi" fræðir okkur og sýnir nokkrar flugur sem hann veit af eigin raun að gefa vel, einkum í sjóbleikju. Þetta ætti enginn að láta framhjá sér fara.

Púlsinn tekinn fyrir austan

Fri, 30 Apr 2010 12:56:00 +0000

Þær fréttir höfðu broist að eitthvað væri farið að draga úr sjóbirtingsveiði í Vestur Skaftafellssýslu, að fiskur væri byrjaður að hverfa af svæðunum í nokkrum mæli. Við kíktum austur og hittum þar Einar Fal Ingólfsson sem var að veiða með félögum sínum í Tungulæk....

Mikið frost og lítil veiði

Thu, 1 Apr 2010 20:15:00 +0000

Jú, í dag er 1.apríl og fyrstu veiðivötnin og árnar að opna þó að víða væri örðugt um slíkt vegna langvarandi frosta. Sums staðar var óveiðandi og yfirleitt var dauf veiði í kuldanum. Við vorum á ferðinni á þessum fimmta afmælisdegi vefsins og tókum menn tali á morgunvöktunum í Minnivallalæk og Tungulæk.

Vef TV: Talið niður!

Wed, 31 Mar 2010 00:45:00 +0000

Við höldum okkar striki og í nú fáum við Jóa í Veiðihorninu til að gefa okkur góð ráð!

1. fréttin á Vef TV

Sun, 21 Mar 2010 18:35:00 +0000

Okkar nýjasta afurð er Vef-TV sem við hleypum hér með af stokkunum. Á komandi vikum og mánuðum er ætlunin að vera með fréttir og fleira efni í þessari mynd. Þetta er frumraun og óskum við eftir þolinmæði lesenda okkar og að þeir hlægi ekki allt of mikið, enda munum við kappkosta við að læra fræðin þegar fram í sækir.