Selá í Vopnafirði hefur verið í mikilli sókn undanfarin ár og áratugi. Þar hefur hófsemi við veiðar verið höfð í hávegum, laxi sleppt og veitt á tiltölulega fáar stangir ef miðað er við lengd árinnar.

Mjög góð veiði hefur verið í Soginu það sem af er þessu laxveiðisumri. Áin er komin í um 1.100 laxa og nú sígur á seinnihluta tímabilsins.

Veiðin í Laxá í Þingeyjarsýslu hefur verið betri það sem af er þessu sumri heldur en í fyrra. Þá eru veiðimenn sammála um að urriðinn sé betur haldinn og meira hefur sést af smáfiski en síðastliðið sumar.

Lítið hefur rignt nú í júlí á sunnan- og vestanverðu landinu. Það hefur hamlað laxagöngum og borist hafa fregnir af laxadauða m.a. í Norðurá. Þennan dauða vilja menn m.a. kenna háum vatnshita, bágum vatnsbúskap og þar með súrefnisleysi í ánum. Þá hefur einnig verið nefnt að veiða/sleppa fyrirkomulagið gæti haft áhrif þar á.