eru þau að fáann
Töfrar vætunnar
Enn eru að ganga lúsugir laxar í Dölunum, sem og víðar. Mynd Heimir Óskarsson.
Töfrar vætunnar í kjölfar langra þurrka og vatnsleysis verða aldrei ofmetnir, það sannaðist á bökkum Laxár í Dölum í vikunni þegar síðasta fluguveiðihollið lauk þar veiðum með magnaða veiði. Hollin með „blandað agn“ taka nú við og áin lítur vel út.
Það rigndi sum sé loksins af viti vestur í Dölum og Laxá fékk þessa líka fínu innspýtingu á vatn. Fyrir var mikið af laxi í ánni og margir sem lágu úti í þara flýttu sér upp í ána við þessar hagstæðu breytingar. Þegar vatnið fór að sjatna var allt sjóvitlaust og þriggja daga sex stanga holl í ánni landaði 119 löxum, stórum og smáum, legnum og nýjum. Lítur nú heldur betur vel út með haustið.
