votnogveidi_Fors_2009-02
almennt

Sigmundur Davíð og Bjarni Ben opna Norðurá

3.6.2014

 

09 Á meðan vaða aðrir stjórnarmenn yfir á Eyri.Sigmundur Davíð Gunnlaugsson forsætisráðherra og Bjarni Benediktsson fjármálaráðherra eru meðal þeirra sem opna Norðurá á fimmtudagsmorgun. Einar Sigfússon sölustjóri Norðurár sagði það til fyrirmyndar að þeir skyldu þiggja boðið því það væri liður í að breyta til batnaðar ímyndarvanda sem laxveiði á Íslandi hefði átt í eftir hrun.

Mynd Heimir Óskarsson.

Einar sagði í samtali við VoV að veiðileyfasalar hefðu þurft að kljást við ímyndarvanda eftir hrunið, greinin hefði verið komin með ímynd bruðls og óhófs og það væri miður því hér væri um eina merkustu auðlind sem Ísland hefði upp á að bjóða. Hann vildi stuðla að því að breyta þessari neikvæðu ímynd og liður í því væri að bjóða umræddum forystumönnum þjóðarinnar. „Mér finnst það vera til fyrirmyndar að þeir Sigmundur og Bjarni skuli taka undir þessa skoðun og þiggja þetta boð, að það sé sómi að því að geta boðið og að þiggja. Það er í þágu allra sem að þessu koma að ímyndin færist á ný til betri vegar,“ sagði Einar. Auk Sigmundar og Bjarna verða Einar og fjölskylda hans við veiðar, auk tveggja fyrrum formanna SVFR, en það eru þeir Jón G.Baldvinsson og Friðrik Þ.Stefánsson.




Skoða gamlar færslur


Útlit síðu: