almennt
Flekkan í útboð
Martin Bell að þreyta lax í hliðará Flekkunnar. Mynd Einar Falur.
Flekkudalsá á Fellströnd var nýlega sett í útboð og kom það smá á óvart. Hún hefur um langt árabil verið á framfæri „Laxmanna“ sem er all stór hópur áhugamanna um ána.
Flekkan er hvalreki fyrir þann sem nær henni því hún er 3 stangir, án uppihalds í góðu húsi, akkúrat það sem best gengur á erfiðum tímum.
Málið með Flekkuna er að hún er ekki eins viðkvæm fyrir langvarandi þurrkum og flestar ár við Breiðafjörð. Hún hefur tryggara bakland. Hún er kannski fyrir vikið jafnari veiðiá heldur en margar á Breiðafjarðarsvæðinu. Áin á sér marga aðdáendur og þetta útboð kemur dálítið á óvart!