Við hjá VoV höfum nokkuð orðið þess varir að ýmsir hafi túlkað á ýmsa vegu orð sem höfð voru eftir Óðni Sigþórssyni formanni LV hér í frétt um málþing á dögunum. Auk þess er rétt að benda lesendum á „innlegg í umræðuna“ eftir Harald Eiríksson á www.svfr.is Þar koma fram ýmsar undirliggjandi vangaveltur sem ekki komu fram á málþinginu, en margur hefur hugsað og velt fyrir sér.

Maðkveiðibann og bann við drápi á stórlaxi í Norðurá hefur nú verið vanvirt ítrekað í Norðurá. Í fyrra var auk þess heilt holl rekið heim úr Hítará. Á www.krafla.is er smáatriðalýsing á nýjasta málinu í Norðurá og ætlum við ekki að reifa það nánar. Þar er allt sem fréttaþyrstir veiðimenn gætu kosið sér. En þessir atburðir hljóta að vekja furðu og þeir hljóta að vekja til umhugsunar.

Börkur Birgisson úr Keflavík veiddi í maí 2007 þá urriðahrygnu sem í stærð slær líklega út allar staðbundnar kynsystur sínar sem dregnar hafa verið á land hérlendis. Urriðahrygnan hefur nú verið stoppuð upp af Sveinbirni S. Sigurðssyni og rannsökuð af Jóhannesi Sturlaugssyni hjá Laxfiskum. Við birtum hér grein sem Jóhannes hefur tekið saman um hrygnuna miklu, sögu hennar og fleira athyglisvert.

Það vakti athygli á dögunum þegar Fiskræktarsjóður synjaði umsókn SVFR um styrk úr sjóðnum til að hjálpa til við að standa straum af netauppkaupum á vatnasvæði Ölfusár og Hvítár. Athygli vöktu einnig ummæli Óðins Sigþórssonar formanns LV og stjórnarmanns úr FRS í kjölfarið hér á VoV. SVFR hefur nú sent frá sér greinargerð um málið og birtist hún hér með